www.boerefort.co.za

Sport

Ons skool bied ‘n wye keuse in buitemuurse bedrywighede aan.  Die beoefening van sport is ‘n belangrike onwikkelingshulpmiddel in die gebalanseerde vorming van die kind.  ‘n Kind se keuse van aktiwiteite moet sodanig wees dat hy/sy genoeg tyd sal hê om te speel.  Speel is ‘n onontbeerlike deel van sy/haar ontwikkelingsproses.  Ons bied die volgende buitemuurse bedrywighede aan:

ATLETIEK

Hierdie sportsoort vind gedurende die eerste kwartaal plaas.  Die 0/7-leerders neem slegs aan die 60m-naellope deel.  Die 0/8- en 0/9-leerders neem aan die 80m-naellope en aflos deel.  Vanaf 0/10 neem leerders aan die velditems ook deel.  Daar vind verskeie vriendskaplike byeenkomste plaas.  Die hoogtepunt is ons Distriksbyeenkoms.  Ons spog in 2011 met nuwe atletiekdrag en ons sien sommer baie uit na die atletiekseisoen.

Middelafstande:

Die middelafstande vind saam met die atletiek plaas.  Atlete van 0/10 af, moet reeds November van die vorige jaar begin voorberei om fiks te word.  Die 0/10-atlete neem aan ‘n 600m en die 0/11 tot 0/13 atlete neem aan ‘n 1 200m wedloop deel.

Middelafstande en landloop:

Die middelafstande vind saam met die atletiek plaas.  Atlete van 0/10 af, moet reeds November van die vorige jaar begin voorberei om fiks te word.  Die 0/10-atlete neem aan ‘n 600m en die 0/11 tot 0/13 atlete neem aan ‘n 1 200m wedloop deel.

Landloop vind gedurende die derde kwartaal plaas.  Atlete vanaf 0/9 tot 0/13 neem deel.

Die afstande is as volg:  0/9 en 0/10 – 2km, 0/11 en 0/12 – 3km, 0/13 – 4km.  Oefening vir hierdie aktiwiteit begin reeds aan die einde van die tweede kwartaal.  Landloopdrag word teen R25.00 per seisoen deur die skool uitverhuur.

NETBAL

Wedstryd datums as volg:

**’n Oefenkamp vir o/12 en o/13 spelers vind plaas die naweek van die 9de tot die 11de Maart te Raloka.

Ons Netbaldogters het baie goed presteer tydens die netballiga gedurende 2011.  As gevolg daarvan en die vorige jare se goeie prestasies, is daar besluit dat Boerefort in 2012 in ‘n hoër liga teen groter skole sal deelneem.  Ons sien uit daarna en skrik nie!

Gedurende die 4de Kwartaal het die dogters weer aan Netbalvaardigheids-oefeninge deelge-neem.  Op Dinsdae- en Donderdae-middae van 14:00 tot 15:00 het die bane gewemel van entoesiastiese dogters.  Mev. Stevens het die leiding geneem.  Ons het baie warm gekry, maar die ysies aan die einde van die oefeninge het groot byval gevind.  Dankie aan Mev. Stevens vir haar moeite en opoffering!

Tydens die naweek van 9 tot 11 Maart 2012 gaan die o/12 en o/13 dogters op ‘n Netbalkursus te Raloka.  (Me. Elize Kotze se oefenkamp).

Dankie aan al die afrigters, dogters en ouers vir ‘n goeie 2011-seisoen.  Ons hoop ons sien julle almal weer op en langs die baan in 2012.

RUGBY

 Wedstryd datums as volg:

Liga as volg:

Bulletjie Rugby

Voorsitter Jacques Kruger : 082 937 8728

LANDLOOP

Landloop vind gedurende die derde kwartaal 2011 plaas. 

Atlete vanaf 0/9 tot 0/13 neem deel.

Die afstande is as volg:  0/9 en 0/10 – 2km, 0/11 en 0/12 – 3km, 0/13 – 4km.  Oefening vind plaas Dinsdae en Donderdae 13:45-14:45

Landloopdrag word teen R25.00 per seisoen deur die skool uitverhuur.

Tennis

Oefeninge vind plaas op Dinsdae en Donderdae vanaf 13:45 tot 15:15. 

Afrigting vind by die skool plaas deur ‘n privaat afrigter vir o/11 seuns en dogters asook Oop Seuns en Oop dogters.

Ons glo en vertrou dat dit hierdie jaar weer sal goed gaan met ons tennis-spelers.

Ligabepalings volg.

Krieket

Eerste span 2012 proewe vind plaas op Vrydag, 27 Januarie, Vrydag, 3 Februarie en Donderdag, 9 Februarie vir alle o/12 en o/13 seuns.

Geluk aan Mnr. de Beer wat as Distriksvoorsitter 2012 verkies is asook op die Laerskole Krieketbestuur.