www.boerefort.co.za

Reëls

SKOOLDRAG:

Dogters:

Skoene:  Standaard swart met een bandjie oor voetbrug of standaard swart rubbersool toerygskoene.  Somer is skoene opsioneel.

Somer:

Kouse :           Kort bottelgroen- of wit sokkies (nylon).

Hemp :            Bottelgroen Boeries golfhemp.

Broek :            Geruite broekrompie.

Trui:             Standaard groen skooltrui, bottelgroen Pull-over of bottelgroen “Dri-Mac”

                     windbreker.

Winter:

Grys skoollangbroek, Wit langmouhemp of rondenekbloes van “Elanca”-rekmateriaal. 

Seuns:

Skoene:       Standaard swart rubbersool toerygskoene.  Somer opsioneel.

Somer:

Kouse:         Grys kniekouse (wol).

Broek:          Standaard gordlose grys wasbare kortbroek.

Hemp:          Grys kortmouhemp.

Trui:          Standaard groen skooltrui, bottelgroen Pull-over of bottelgroen “Dri-Mac”

                  windbreker.

Winter:

Broek :      Standaard grys wasbare langbroek.

Hemp :      Grys langmouhemp

Verjaarsdae:

‘n Leerder mag op sy/haar verjaarsdag gewone klere aantrek.  Skoolreëls geld t.o.v. hare, juwele en grimering.

Verskaffers van skooldrag:

Broekrompies, golfhemde en bottelgroen Pull-Over:

Mev Ansie van Heerden : 083 306 1877

Skooltrui (sal ook binnekort die Pull-Over verskaf):

Select Uitrusters (Queens Corner) : (012) 333-3319

Skoolsluiting en Vrydae:

Leerders betaal R5.00 om gewone klere aan te trek op Vrydae en die dae wat die skool sluit.  Skoolreëls geld t.o.v. hare, juwele en grimering.

Inskrywings:

Ingevolge regulasie 2(b)(ii) van die regulasie betreffende Openbare Skole is ‘n kind skoolpligtig in die jaar waarin hy/sy 7 jaar oud word.  Geen uitstel mag meer aan enige leerder toegestaan word nie.

By eerste toelating moet die nodige vorms by die administratiewe kantoor bekom word.  Na voltooiing moet ‘n geboortesertifikaat of indentiteitsdokument getoon word.

Omsendbriewe:

Sorg asseblief dat u die ouer omsendbriewe lees, dit bevat belangrike inligting.  Elke jongste en enigste ontvang ‘n afskrif.  Sake van klas-belang word in die Aanvangsfase, per “mamma-boek” aan die ouers gestuur.  Omsendbriewe gaan sover moontlik op ‘n Woensdag uit.  Omsendbriewe sal ook op die webblad beskikbaar gestel word.

GEDRAGSKODE:  BOERIEONDERSTEUNERS

DOELSTELLING:

Om te verseker dat ondersteuners/ouers te alle tye ‘n goeie beeld van Laerskool Boerefort uitdra, omdat ondersteuners/ouers ‘n belangrike skakel tussen deelnemers, die skool en die publiek is.

RIGLYNE:

1. Ondersteuners moet te alle tye positiewe ondersteuning aan deelnemers gee, d.w.s. geen kritiek op medespelers of ouers lewer nie.

2. Ondersteuners mag onder geen omstandighede deelnemers tot vuilspel aanmoedig nie.

3. Onder geen omstandighede mag skeidsregters of beamptes gekritiseer, gevloek of aanmerkings oor gemaak word nie.

4. Ondersteuners mag onder geen omstandighede by argumente, bakleiery, ens. met ander ondersteuners of deelnemers van ander skole betrokke raak nie.

5. Geen vuiltaal sal langs die sportveld toegelaat word nie.

6. Geen alkohol sal langs die sportveld toegelaat word nie.  Indien ‘n ondersteuner alkohol gebruik en geïdentifiseer word, sal dit aan een van die personeellede of BHL-lede gerapporteer word, waarna daardie persoon gevra sal word om die terrein te verlaat.

7. Ondersteuners moet te alle tye op die pawiljoen of agter die afsperring sit.  Indien die ondersteuners versoek word om op die pawiljoen te sit, sal dit van alle ondersteuners verwag word om so ‘n versoek na te kom.

8. Indien ‘n ouer sou opmerk dat leerders hulle skuldig maak aan wangedrag, soos rook en vuiltaal op die sportveld, sal dit van hierdie ouer verwag word om sodanige insident onmiddellik aan die betrokke opvoeder te rapporteer.  Identifisering van die persoon is belangrik.

9. Dit word van ouers van Laerskool Boerefort verwag om hierdie riglyne onder die aandag van besoekende ondersteuners te bring.

10. Indien ‘n ouer of ondersteuner ‘n probleem het wat hy/sy onder die aandag van die skool wil bring, kan hy/sy dit na afloop van die wedstryd of byeenkoms met die afrigter of BHL-lid opneem.

11. Laerskool Boerefort se ondersteuners kan’n positiewe bydrae lewer en ‘n groot verskil maak deur bogenoemde na te kom.

EKSAMEN REELS - 2de Kwartaal – Junie & 4de Kwartaal – November /Desember

Program tydens eksamen   Leerders verdaag daagliks om 12:00

Reëls

1. Sorg dat jy jou eie skryfgereedskap het soos skerp potlode, ekstra penne, wiskundestel, liniaal, uitveër, skerpmaker, ens.

2. Niemand mag by iemand ander iets leen nie.

3. Geen selfone, oorfone, walkmans, MP 3’s, MP 4’s, I-PODS ens nie.

4. Geen speelgoed, sporttoerusting ens. nie.  Alles wat pla word voor op die verhoog onder toesig bewaar.

5. Selfone, speelgoed en iets ontoelaatbaar sal afgeneem word tot Desember.

6. Geen leesboeke, kussings en komberse nie.

7. Geen notas tydens die tweede sessie nie.

8. Geen eet- of drinkgoed of kougom nie.

9. Geen onnodige praatjies met opvoeders of maats nie.

10. Geen rondlopery na toilette tydens sessies nie.  Maak seker jy besoek die kleedkamers betyds.  Mag glad nie die kleuterskool se toilette gebruik nie.

11. Geen gesels of fluister tydens die sessies nie.

12. Geen papiere en potloodsaagsels op vloere en banke nie.

13. Geen laatkom by aanvang van sessies nie

14. Eet ontbyt by die huis.  Kos word slegs tydens pouse geëet.

15. Enige leerder wat afskryf of vir ‘n ander antwoorde vra sal onmiddellik geskors word.

16. Die betrokke leerarea lêers sal voor die 2de sessie begin in geneem word.  Indien dit verlore is moet R50 inbetaal word.

17. Om 12:00 sluit ons af met gebed en verdaag ry vir ry ordelik.

18. Stoele en tafels word netjies gesit volgens opdrag.

19. Opvoeders sal ten alle tye streng toesig hou sodat elke leerder ‘n regverdige kans kry om te studeer.

20. Tydens die tweede sessie sal opvoeders vir die duur van die sessie rond beweeg in die saal.

21. Gr 7 leerders wat hulle skoolklere skenk kan tydens die eksamen met gewone klere skool toe kom.