www.boerefort.co.za

Welkom

INSKRYWING VIR LEERDERS 2013

INSKRYWING VIR KLEUTERSKOOL 2013

BOODSKAP VAN DIE HOOF - 2012

Liewe Ouers en kinders,

Aan alle nuwe ouers en leerders wat vanjaar vir die eerste keer by ons ingeskakel het, ‘n spesiale woord van welkom.  Ons hoop julle skakel gou in by die Boerie-familie en dat julle eersdaags ware Boeries sal wees.

Die personeel is bekwame en hardwerkende mense wat daarna strewe om net die beste vir ons skool en leerders te gee.  Ons is egter ook net mense en maak ook soms foute, so ondersteun ons om slegs die beste onderrig en opvoeding vir ons kinders te gee.  Dankie aan u elkeen vir julle liefde, lojaliteit en opoffering vir die nuwe jaar.

In ons strewe na gehalte onderrig en opvoeding aan al ons leerders, maak ons staat op die ondersteuning en samewerking van al ons ouers.  Byvoorbaat dankie aan u elkeen vir u mooi gesindheid, samewerking, hulp en voorbidding vir hierdie jaar.

Aan ons leerders:  ‘n Nuwe lewensjaar vol uitdagings en geleenthede wag op julle, maak die beste van alles.  Ek nooi alle leerders om ware Boeries te wees deur hulle talente op sport- kultuur, en akademiese gebied te gebruik en te ontwikkel.  Leef ons Boerie-Christelike waardes uit!

Voorspoed en sterkte aan alle Boeries vir 2012.  Mag dit vir elkeen ‘n wonderlike jaar wees waarin ons naby aan ons Skepper sal leef.  Ek bid dat God se hand van seën, liefde en beskerming op elkeen sal wees.

Boerie groete

Ben Fourie

KORT GESKIEDENIS VAN BOEREFORT

Ons skool is geleë aan die voet van die Magaliesberg waar ons een groot en gelukkige gesin is.  Hoe bevoorreg is ons nie dat die Here hierdie skooltjie wat op     28 Julie 1953 met 113 leerlinge en 5 damespersoneel begin het as die “De Beer-straat Skool” so geseën het as een van ons top skole van vandag.  Die eerste leuse was “Bou ‘n Nasie” en tans is die leuse “Waak en Werk”.

Op alle gebiede is ons top presteerders.  Dit gaan baie goed op akademiese gebied asook met puik vertonings op sportgebied.  Op kultuurgebied het die Senior- en Kriewelrevue hulle merk gelaat.  Hulle neem jaarliks aan verskeie optredes en kompetisies deel.  Hulle word jaarliks gekeur vir die Staatsteater en neem ook deel saam met ‘n bekende kunstenaar in die Stadsaal van Pretoria.

Visits:  

Smalladds Disclaimer

Last Update: 16 May 2012